德信中學

我個仔自從入咗德信，成績真係有進步。佢哋英中教學，加上老師好肯花時間幫學生補底，對B仔嚟講真係唔錯。學校嘅學習氣氛都幾好，大家都好上進，唔會話太谷，但又有一定壓力推動學習。

德信始終係男校，校風算純樸，無咁多花巧嘢。小朋友之間嘅相處比較直接，唔會好似男女校咁多是非。學校好注重品德教育，有天主教背景，仔仔個人都變得乖咗，識得尊重人。

好多老師都好有心教，唔單止教書，仲會關心仔仔嘅身心發展。有啲老師好幽默，上堂氣氛幾輕鬆，仔仔話唔會悶。遇到問題佢哋都好樂意解答，家長聯絡老師都算方便。