保良局朱敬文中學

朱敬文嘅老師對Band 3學校嚟講算係幾有心機教，佢哋會針對唔同學生嘅程度去輔導，唔會放棄任何一個。我個仔之前成績麻麻，入到嚟雖然唔係突飛猛進，但至少見到佢肯努力追。學校都搞咗唔少補習班同功課輔導，對學生嚟講係好事。

學校老師普遍都好有耐性，對學生好關心。我同幾位老師傾過，佢哋都好了解學生嘅情況，唔單止教書，仲會好似大哥哥大姐姐咁開解學生。呢個真係Band 3學校最重要嘅一環，有心嘅老師先留得住啲學生。

校風方面，我覺得朱敬文都算純樸。雖然有時會聽到啲學生有少少小紛爭，但學校處理得都算快同公正。老師好著重學生品德教育，見到好多學生都幾有禮貌，至少唔會好似出面傳嘅Band 3學校咁亂七八糟。