東華三院呂潤財紀念中學

呂中學術成績係Band 2學校嚟講算係唔錯，升大學率都幾穩定。佢哋有小班教學，老師會比較多時間照顧到個別同學，對拔尖補底都有幫助，我仔仔入去之後成績都有進步。

老師好有心，唔少都係教咗好多年嘅資深老師，教學經驗好豐富。佢哋好願意放學留低幫同學補習，仲會主動同家長溝通，了解小朋友學習狀況，呢點真係好好。

校風幾純樸，同學之間相處融洽，無乜大問題發生。學校都幾注重品德教育，見到啲學生都幾有禮貌，作為家長都放心畀小朋友喺度讀書。