佛教善德英文中學

我個仔讀咗善德兩年，成績真係有進步。學校好多資源幫學生追成績，特別係升中四選科嗰陣，老師會好用心同你分析。佢哋DSE成績都Keep住好好，入大學率都高。

老師好有心教，對學生好有耐性。我試過放學後問老師問題，佢哋都會留低解答。而且好多老師都係教咗好多年，經驗好豐富，好識得點樣引導學生思考，唔係死板咁教書。

學校校風好好，學生之間好少聽聞有蝦蝦霸霸嘅事。可能因為有佛教背景，學生都比較斯文有禮貌。老師都好注重品德教育，唔單止教書，仲教做人道理。