元朗官立小學

我小朋友讀元朗官立小學幾年，覺得佢哋嘅學術基礎打得幾好，老師教書有心機，特別係中文科，小朋友寫作進步咗好多，功課量都適中，唔會谷得太死，但又學到嘢。

學校校風好純樸，小朋友之間好少爭執，老師同同學關係融洽。學校好重視品德教育，成日都有德育講座同活動，見到小朋友學識尊重同學同老師，做人有禮貌，呢點我好欣賞。

老師好有經驗同愛心，對學生好有耐性。我小朋友試過有學習困難，老師都主動約我傾，提供好多幫助同建議，真係感受到佢哋對學生嘅關顧。