荃灣公立何傳耀紀念小學

阿仔今年小三，讀書成績Keep得幾好，老師教得有心機，功課雖然唔少，但都係有意義嘅練習，唔會為做而做。學校有鼓勵閱讀，圖書館都幾多新書，對小朋友語文能力都有幫助。

班主任好有愛心同耐性，對住啲曳少少嘅學生都唔會放棄，會嘗試用唔同方法引導。家長有咩問題搵佢，佢都好快覆，感覺係真心為小朋友好。

學校校風幾純樸，小朋友之間都好有禮貌，見到老師會主動打招呼。學校都好注重品德教育，好少聽到有蝦蝦霸霸嘅事，家長都幾放心。