天水圍官立小學

天水圍官小嘅老師真係好有心！我個仔本身比較內向，但班主任好有耐性咁引導佢，而家佢返學都開心咗好多，仲會主動同我分享學校嘅事。有幾次我打電話去學校問嘢，老師都好樂意解答，感覺佢哋真係好關心學生。

學校校風幾純樸，小朋友之間都好有禮貌，見到老師會主動打招呼。雖然係官立學校，但感覺師生關係都幾融洽，唔會話好死板。我最欣賞佢哋推動品德教育，唔係齋讀書，呢點好重要。

學術方面我覺得天官小都OK，唔會谷得太勁，但基本功都打得幾好。我個女升中派位都算理想，我覺得係學校平時打好咗個底。老師會針對性咁幫學生補底，唔會放任唔理，呢點好好。