聖公會天水圍靈愛小學

靈愛小學喺天水圍區嚟講，學術成績算係中上，佢哋比較重視兩文三語，特別係英文，小朋友返到屋企都肯主動睇英文書。學校功課量都適中，唔會太多搞到小朋友無晒時間玩，但又足夠鞏固學習。

老師普遍都好有愛心同耐性，見到小朋友有困難會主動關心同提供協助。我仔仔以前比較內向，班主任都好用心引導佢融入班級，見到佢而家開朗咗好多，真係好感謝老師。

學校好注重品德教育，成日見到老師教導小朋友要互相幫助、有禮貌。校風純樸，小朋友之間相處都好融洽，家長會亦都搞得幾好，學校同家長溝通都好暢順。