港九街坊婦女會孫方中小學

我個仔自從入咗孫方中之後，成績真係有進步。老師好注重打好基礎，尤其係中文同英文，默書測驗都幾頻密，逼到佢要溫書。我覺得對升中都有幫助，唔會太hea。

學校校風幾純樸，小朋友之間都好有禮貌，唔會話好嘈好頑皮。老師對學生都好有愛心，見到有同學仔唔開心會主動關心，呢樣嘢做家長嘅都睇到，好放心。

大部分老師都好有經驗，教學方法都幾靈活，唔係死板板照書讀。我試過問老師關於小朋友學習進度嘅問題，佢哋都好耐心解答，會俾好多建議我哋。