地利亞英文小學暨幼稚園

我個仔讀咗地利亞幾年，覺得佢哋嘅英文教學真係好到位，老師好多都係外籍，口音純正，小朋友英文進步好快，對將來升中學都好有幫助。功課量適中，唔會谷得太死，但基礎打得好實。

學校老師好有愛心同耐性，特別係班主任，好細心咁照顧每個小朋友，會主動同家長溝通，講返小朋友喺學校嘅情況，有問必答，令我哋做家長好放心將小朋友交俾佢哋。

學校國際化，同學仔嚟自唔同國家，小朋友可以接觸到唔同文化背景嘅朋友，學識尊重同包容，呢點我覺得好重要。校風都幾純樸，小朋友之間相處融洽，無乜複雜嘢。